oroga ka pula mogaetsho mo Tsebe e gole. Motlapele o kile a bua a re tsebe go reelediwa e gole, e e gaufi, e a itheeletsa. Le fa go ntse jalo, dilo mo matsatsing a segompieno di tsere phekelo e sele. Ka ntlha ya ditlhabologo mo maranyaneng a ditlhaeletsanyo, bogolo jang mafaratlhatlha a Internet, re ka fetola mafoko. Jaanong re ka bua segompieno ra re "tsebe ga go reetse e e gaufi fela, le e e gole e ka itheeletsa e seng go utlwa ka gatwe. "

Web site e ya Tsebe e gole, ke maiteko a rona a go tlhaba Batswana  podi matseba ka tse di dirafalang mo Botswana. Ka le rona re sa nne mo Botswana, re itebagantse bogolo jang le "banageng" ka rona.

Tsebe e gole e anamisa mananeo a a farologaneng go tswa mo motsweding ya dikitsiso ya seromamowa. Mo nakong eno, mananeo otlhe ke a Seromamowa sa Botswana (Radio Botswana).

Web site eno mogaetsho, ke tirelo ya boithaopo fela jwa badiri ba lephata la Computer Science la University ya Botswana; ga e dire dipoelo dipe e bile ga gona thuso epe ya madi e e lebaganeng le yona. Ka jalo re go rotloetsa go bala Maikarabelo le Melawana ya tiriso.

Lefa e gatisa le go gasa dithulaganyo dingwe tsa Seromamowa sa Botswana (RB1), website e ga e ka fa tlase ga tsamaiso ya seromamowa se.

Re amogela dikakgelo le dikgakololo tsotlhe ka jalo gololesega go latlhela tlhware legonyana. Le fa mafoko a kgotla a le mantle otlhe, ka maswabi ga re kake ra solofetsa gore re tla dirafatsa dikeletso tsotlhe.

A theetso e nne e e monate....